Крымская весна

ХОШ КЕЛЬДИНЪИЗ!

Къырым баари вакъиаларына багълы ресмий электроник малюмат чокърагъына хошкельдинъиз!

Мында сиз февраль-март 2014 сенеси олып кечкен Къырым ве бутюн Русие ичюн аятий пек муим эмиети олгъан вакъиалар акъкъында энъ догъру ве объектив малюмат тапарсынъыз.
Бизим интернет-портал сизлерни бу мевзугъа багъышлангъан ве махсус сайлап алынгъан видеолар ве фоторесимлернен таныш этеджек, ве айны заманда бу тарихий куньлернинъ къараманлары – Къырым баари иштиракчилерининъ ве озь козьлеринен корьген инсанларнынъ шаатлыкъларынен таныш этеджек.

2014-2017 © Къырым баари.
Бутюн акъ-укъукълар имае алтында
Сайт Къырым Джумхуриети Ички сиясет, малюмат ве алякъа
Назирлиги тешеббюсинен яратылды.

/ Сергей Аксенов
16 март 2014 сенеси Бутюн Къырым референдумы кечти, мында ярымада сакинлерининъ буюк чокълугъы Русие иле гъайрыдан бирлешмек ичюн рей бердилер. Референдум Къырым халкъынынъ азатлыкъ ве адалетликке ынтылувынынъ, БМТ низамнамеси, Къырым анаясасы ве халкъара нормалары черчивесинде барышыкъ елунен омюрге кечирильмеси ичюн укъукъий алети олды. 18 март куню Кремльнинъ Георгиевск залында Къырым Джумхуриети ве Севастополь шеэрини Русие теркибине къабул этмек акъкъында девлетлерара мукъавеле имзаланды. Сиясетчилернинъ къанунгъа къаршы япкъан арекетлери, авторитар ве арты-огю тюшюнильмеден къабул олунгъан къарарлары нетиджесинде бозулгъан тарихий адалет гъайрыдан тикленди! Русие президенты Владимир Владимирович Путин бизим Анаватан тарихинде Къырымнынъ муим ролю олгъаныны айрыджа къайд этти. Бу сайт келеджекте бизим умумий гъалебемизнинъ ракъамлар музейи оладжагъына эминим. Онынъ саифелеринде ер алгъан малюматнынъ къыймети йыл-йылдан артаджакъ Азиз семетдешлер! Сиз бутюн дюньягъа орьнек оларакъ, ватанперверлик, ватандашлыкъ пишкинлиги, месулиетлик ве бирлик не олгъаныны косьтердинъиз. Сизлерге сабыр ве ишанчынъыз, эмегинъиз ичюн миннетдарлыгъымы бильдирем!
Владимир Константинов /
Интернетте бир йылдан берли чалышкъан «Къырым баари» сайты, 2014 сенеси Къырымда олып кечкен мешур вакъиаларгъа багъышлангъандыр. Бизим хатырамызда умют ве теляш толу бу куньлер энъ парлакъ хатырлав оларакъ эбедий къалыр: о заман къырымлылар Тарихни яраттылар! Биз, 2014 сенеси февраль-март айларында бизим сиясий ирадемиз къатты олгъаныны, озь принциплеримизде къавий тургъанымызны, озь истеклеримизни эльде этмеге ве гъалебе къазанмагъа бильгенимизни дюньягъа косьтердик. Биз Акъикъат ичюн курештик, ве бизим бу куреш девам эте. Шунынъ ичюн де биз, о шанлы ве теляшлы куньлернинъ догъру ве энъ керчек шекильде акс олувыны истеймиз. Къырым баари вакъиаларынен багълы давалар аля даа девам эте, ве даа тез вакъытта битмеджек. Белли ки, Къырым душманларына ве Русиеге нефрет эткенлер ичюн бу акъикъат керек дегиль. Амма, бутюн дюньядаки бизим достларгъа - бизге къырымлыларгъа киби бу акъикъат керек. «Къырым баари» интернет-ресурсы, шубесиз, Адалет ве Акъыл енъиши огърундаки куреште муим ярдымджымыз.
/ Олег Белавенцев
Учь йыл эвельси олып кечкен муим эмиети олгъан вакъиа тек Къырым ве Русие ичюн дегиль де, бутюн дюньягъа джиддий тесир этти. – Бутюн Къырым референдумында ярымада сакинлери Русие Федерациясынен бирлешмек ичюн озь рейлерини бердилер. Озь истегинен, бирдемликнен япылгъан бу сечим Къырымнынъ Русие теркибине къайтувы къырымлылар ичюн буюк къуванч олгъаныны косьтерди. Къырым баари вакъиалары заманында чешит миллет векиллери къанларынынъ сонъ тамчысына къадар бизим мукъаддес топрагъымызны къорчаламагъа азыр эдилер. Эр кес миллетлерара муаббетлик ве тынчлыкъта яшамакъ, сиясий сечимде сербест олмагъа истей эди. 16 март – Референдум куню, ве 18 март – Къырым Джумхуриети ве Русие Федерациясы арасында Мукъавеле имзалангъан кунь, бу тарихлер бутюн мемлекет ичюн энъ муим байрам куньлери олды. Бундан сонъра тек кечмишке гъурурнен бакъмакъ дегиль де, шанлы келеджекке арекет этмек керек. Менимдже, Къырым баари сайты – мемлекет тарихине къырымлылар къошкъан иссеси акъкъында ляйыкъ хатырлав, Къырым Русие теркибине къайтувы огърундаки куреште бизим умумий гъалебе анъларыны акс эттирген ракъамлар музейи. Урьметли ярымада сакинлери, сизлерге сабыр ве ишанчынъыз, эмегинъиз ичюн миннетдарлыгъымы бильдирем!